ᲢᲣᲠᲘᲡᲢᲣᲚᲘ ᲕᲘᲖᲐ

გაერთიანებული სამეფოს ტურისტული ვიზა ცნობილია, როგორც  სტანდარტული ვიზიტორის ვიზა და მოქმედია მინიმუმ 6 თვის განმავლობაში.

ᲠᲝᲒᲝᲠ ᲒᲐᲕᲐᲙᲔᲗᲝ ᲒᲐᲜᲐᲪᲮᲐᲓᲘ ?

დიდი ბრიტანეთის ტურისტული ვიზის განაცხადის შევსება ონლაინ, სამთავრობო ვებგვერდზე ხორციელდება, თუმცა ანაბეჭდების  ასაღებად საჭიროა VFS Global-ის სავიზო ცენტრში ადგილზე ვიზიტი, ხოლო დოკუმენტების ატვირთვა მათ პლატფორმაზე ხდება.

ᲩᲕᲔᲜ ᲒᲗᲐᲕᲐᲖᲝᲑᲗ:

ᲕᲘᲡ ᲡᲭᲘᲠᲓᲔᲑᲐ ᲑᲠᲘᲢᲐᲜᲔᲗᲘᲡ ᲕᲘᲖᲐ?

თუ თქვენ ხართ საქართველოს მოქალაქე ან ფლობთ ევროკავშირის წევრი ქვეყნის რეზიდენტობას, დიდ ბრიტანეთში სამოგზაუროდ ვიზა დაგჭირდებათ.

ᲕᲘᲖᲘᲡ ᲐᲦᲔᲑᲘᲡ ᲞᲠᲝᲪᲔᲡᲘ

განაცხადის გასაკეთებლად შემდეგი ნაბიჯების გავლაა აუცილებელი:

📝 აპლიკაციის შევსება;

🗓️ VFS Global- ზე გადასვლა და გასაუბრების დღის დანიშვნა;

📤 დოკუმენტების მომზადება და VFS Global-ის პლატფორმაზე ატვირთვა;

🐾 ანაბეჭდების აღება დანიშნულ დღეს;

🤩 განხილვის დრო და ვიზის პასუხის მიღება.

ᲓᲐᲛᲣᲨᲐᲕᲔᲑᲘᲡ ᲓᲠᲝ ᲓᲐ ᲒᲐᲓᲐᲬᲧᲕᲔᲢᲘᲚᲔᲑᲐ

ვიზაზე გადაწყვეტილება მიიღება სტამბულში არსებული დიდი ბრიტანეთის საკონსულოს მიერ. დამუშავების დრო კი  შეიძლება განსხვავდებოდეს წელიწადის დროზე და მიღებული განაცხადების მოცულობის მიხედვით, მაგრამ ჩვეულებრივ დაახლოებით 3 კვირა სჭირდება.

ᲑᲠᲘᲢᲐᲜᲔᲗᲘᲡ ᲕᲘᲖᲘᲢᲝᲠ ᲕᲘᲖᲘᲡ ᲮᲐᲜᲒᲠᲫᲚᲘᲕᲝᲑᲐ

გაერთიანებული სამეფოს სტანდარტული ვიზიტორ ვიზა მოქმედებს მინიმუმ 6 თვის განმავლობაში და არის მრავალჯერადი შესვლის.

არსებობს კიდევ სხვა ვიზიტორ ვიზები – 2, 5 ან 10 წლიანი.

თუმცა, მნიშვნელოვანია, რომ ამ ვიზების გამოყენებისას ქვეყანაში ყოფნის პერიოდი არ უნდა აღემატებოდეს 180 დღეზე მეტს, თითოეულ შესვლაზე.

ᲡᲐᲭᲘᲠᲝ ᲓᲝᲙᲣᲛᲔᲜᲢᲐᲪᲘᲐ

• მოქმედი პასპორტი (6 თვეზე მეტი ვადით).
• ძველი პასპორტების ასლები.
• სამსახურის ცნობა ხელფასის მითითებით (ინგლისურ ენაზე).
• ბანკის ამონაწერი ფინანსური მდგომარეობის დასადასტურებლად.
• სამოტივაციო წერილი.
• სასტუმროს და ავიაბილეთის ჯავშანი.
• ქორწინების და შვილების დაბადების მოწმობები (ასეთის არსებობის შემთხვევაში).

ელექტრონული ვიზა

განახლებული წესების თანახმად, დიდი ბრიტანეთი წყვეტს სტიკერ ვიზების გაცემას. მათ ადგილს ელექტრონული ვიზა დაიკავებს. თუმცა, მნიშვნელოვანია გვახსოვდეს: ბიომეტრიული მონაცემების ჩაბარების მიზნით სავიზო ცენტრში ვიზიტი კვლავ სავალდებულო რჩება.

იმ მოგზაურებს კი, რომლებსაც ხელთ უკვე აქვთ მოქმედი სტიკერ ვიზა, მოუწევთ მისი ელექტრონულ ფორმატზე გადაყვანა –  გააქტიურება

ᲠᲩᲔᲕᲔᲑᲘ ᲓᲐ ᲓᲐᲛᲐᲢᲔᲑᲘᲗᲘ ᲘᲜᲤᲝᲠᲛᲐᲪᲘᲐ

• აუცილებლად მიუთითეთ ყველა საჭირო დოკუმენტაცია და ინფორმაცია განაცხადში დარწმუნდით, რომ თქვენი პასპორტი მოქმედებს მინიმუმ ექვსი თვის განმავლობაში თქვენი დაგეგმილი დაბრუნების თარიღიდან.
• მიაწოდეთ მტკიცებულება თქვენი ფინანსური საშუალებების შესახებ, რათა კონსულ ოფიცერმა დაინახოს, რომ გაქვთ თქვენს ქვეყანაში სტაბილური შემოსავალი, რომლის დახარჯვასაც აპირებთ დიდ ბრიტანეთში ყოფნის დროს.
• იყავით გულწრფელი და ზუსტი თქვენს განაცხადში და მოერიდეთ ცრუ ინფორმაციის მიწოდებას.
• მზად იყავით უპასუხოთ დამატებით კითხვებს, თუ გაერთიანებული სამეფოს მესაზღვრეები გკითხავენ.
• ვიზაზე განაცხადი შეიტანეთ მოგზაურობამდე 3 თვით ადრე.
• ინგლისის ვიზა არ არის ცალკე აღებული სუბიექტი, თქვენ იღებთ ბრიტანეთის ვიზას რომელიც საშუალებას გაძლევთ იმოგზაუროთ, ინგლისში, შოტლანდიაში, უელსსა და ჩრდილოეთ ირლანდიაში.

ᲣᲐᲠᲘ ᲕᲘᲖᲐᲖᲔ ᲓᲐ ᲫᲘᲠᲘᲗᲐᲓᲘ ᲛᲘᲖᲔᲖᲔᲑᲘ

გაერთიანებული სამეფოს ვიზის უარის რამდენიმე მიზეზი არსებობს, თუმცა მთავარი ფაქტორები, რომლებიც ყველაზე ხშირად განაპირობებენ გადაწყვეტილებას, მიმართულია იმაზე, თუ რამდენად შეუძლია აპლიკანტს დაადასტუროს თავისი დაბრუნება მშობლიურ ქვეყანაში და როგორ აკმაყოფილებს ის ყველა საჭირო ფინანსურ და დოკუმენტურ მოთხოვნებს.

1. არასაკმარისი კავშირი სამშობლოსთან: ვიზის უარის ერთ-ერთი ყველაზე გავრცელებული მიზეზი ისაა, როდესაც აპლიკანტი ვერ ამტკიცებს საკმარის კავშირს საკუთარ ქვეყანასთან, რაც აღნიშნავს, რომ იგი შესაძლოა არ დაბრუნდეს სამშობლოში და დარჩეს დიდ ბრიტანეთში უკანონოდ.
2. არასაკმარისი ფინანსური რესურსები: აუცილებელია კონსულის დარწმუნება, რომ აპლიკანტს აქვს საკმარისი ფინანსური შესაძლებლობები, რათა დაფაროს ყველა ხარჯი გამგზავრებისა და დიდ ბრიტანეთში ყოფნის დროს.
3. არასწორი ან არასაკმარისი დოკუმენტები: დოკუმენტების არასრული ან არასწორად შევსება შეიძლება გახდეს ვიზის უარის მიზეზი. მნიშვნელოვანია, რომ ყველა მოთხოვნილი დოკუმენტი წარდგენილი იყოს სრული და სწორი ფორმით.
4. მცირე სამოგზაურო ისტორია: თუ აპლიკანტის წარსულში არ არსებობს საკმარისი სამოგზაურო ისტორია, რაც აჩვენებს პასუხისმგებლობას და დაბრუნების მტკიცებულებებს, ვიზა შესაძლოა უარყოფილი იყოს.

ᲮᲨᲘᲠᲐᲓ ᲓᲐᲡᲛᲣᲚᲘ ᲙᲘᲗᲮᲕᲔᲑᲘ

ᲕᲘᲖᲘᲡ ᲛᲘᲦᲔᲑᲘᲡ ᲠᲐ ᲨᲐᲜᲡᲘ ᲛᲐᲥᲕᲡ?

კონკრეტული განმცხადებლის მიერ ვიზის მიღების ალბათობის პროგნოზირება რთულია. თუმცა, აშკარაა, რომ ეს დამოკიდებულია თქვენს სოციალურ და ეკონომიკურ კავშირებზე თქვენს ქვეყანაში. რაც უფრო მეტს შეძლებთ კონსულს აჩვენოთ, რომ თქვენ ხართ წარმატებული თქვენს სამშობლოში, გაქვთ სტაბილური შემოსავალი და მომავალი ზრდის პოტენციალი, მით უფრო სავარაუდოა, რომ თქვენ მოგცემთ ვიზას.

ᲡᲐᲓ ᲐᲠᲘᲡ ᲘᲜᲒᲚᲘᲡᲘᲡ ᲡᲐᲙᲝᲜᲡᲣᲚᲝ?

დიდი ბრიტანეთის ვიზა გაიცემა თურქეთში ქ. სტამბოლში დიდი ბრიტანეთის საელჩოს საკონსულო სამსახურის მიერ. ხოლო ვიზისთვის საჭირო საბუთების ჩაბარება ხდება “UK Visa Application Centre” -ის ოფისში მისამართზე: ქ. თბილისი, ცაგარელის ქ N 92, პირველი სართული.

ᲘᲙᲝᲜᲡᲣᲚᲘ ᲕᲘᲖᲐᲖᲔ ᲒᲐᲠᲐᲜᲢᲘᲐᲡ ᲗᲣ ᲘᲫᲚᲔᲕᲐ?

სხვა პირს არ შეუძლია ჩაერიოს კონსულის გადაწყვეტილებაში ვიზის გაცემის შესახებ; ეს გადაწყვეტილება საბოლოოა. თუმცა, ჩვენი კვალიფიციური პროფესიონალები ყველაფერს გააკეთებენ იმისათვის, რომ სათანადოდ და თქვენს სასარგებლოდ მოამზადონ დოკუმენტები საკონსულოსთვის, რათა კონსულმა სრულად გაიგოს თქვენი დღევანდელი გარემოება და შესაძლებლობები, რაც გაზრდის ვიზის მოცემის ალბათობას.

ᲠᲐ ᲕᲐᲓᲔᲑᲨᲘ ᲮᲓᲔᲑᲐ ᲕᲘᲖᲘᲡ ᲒᲐᲪᲔᲛᲐ?

უმეტეს შემთხვევაში, დოკუმენტები განიხილება თანხის გადახდიდან და საბუთების ჩაბარებიდან 2 კვირის ვადაში. თუმცა, განხილვის პერიოდი შეიძლება გაგრძელდეს ან შემცირდეს კონკრეტულ გარემოებებში. თუ თქვენ გსურთ პროცესის დაჩქარება მაშინ მოგიწევთ დამატებით £ 500გადახდა და პასუხს მიიღებთ 5 სამუშაო დღეში.