ტურისტული ვიზა

სამხრეთ კორეის ტურისტული ვიზისთვის გასაუბრებაზე ჩაწერა წინასწარ არ ხდება. საკონსულოში მიღება ხდება ყოველ სამშაბათსა და ხუთშაბათს, დილის 10:00-დან 12:00 საათამდე. სანამ გასაუბრებაზე მიხვალთ, უნდა შეაგროვოთ ყველა საჭირო დოკუმენტი თქვენი მოგზაურობის მიზნის მიხედვით, შეავსოთ სავიზო აპლიკაცია და მოკლედ, წერილობით აღწეროთ, რას აპირებთ მოინახულოთ სამხრეთ კორეაში.

🔹 საბუთების დეტალური ჩამონათვალი თქვენი სამოგზაურო მიზნობრიობის შესაბამისად.

🔹 აპლიკაციის ფორმის შევსება.

🔹 თქვენ მიერ მოწოდებული დოკუმენტაციის პროფესიონალების მიერ გადახედვა.

🔹 სატელეფონო და ონლაინ მხარდაჭერა.

🔹 პირადი მონაცემების დაცვის უმაღლესი სტანდარტი.

სავიზო გადაწყვეტილების მიღება საშუალოდ 15 კალენდარული დღის მანძილზე ხდება. პასუხის გადამოწმება ონლაინ ხდება. სტატუსის გადასამოწმებლად ეწვიეთ ვებგვერდს. შემდეგ აირჩიეთ check application status და შეიყვანეთ მოთხოვნილი მონაცემები.

სამხრეთ კორეის ტურისტული ვიზა არის ერთჯერადი შესვლის ვიზა, რომელიც გაიცემა მაქსიმუმ 90 დღის ვადით. თქვენ შეგიძლიათ აირჩიოთ თარიღი თუ როდიდან იქნება თქვენი ვიზა აქტიური.

• პასპორტი (6 თვეზე მეტი ვალიდურობით).
• სააპლიკაციო ფორმა (eForm).
• ბილეთი (ჯავშანი ან ორიგინალი).
• სასტუმროს ჯავშანი.
• სამოგზაურო გეგმა.
• ცნობა სამსახურიდან თანამდებობის და ხელფასის მითითებით (ინგლისურ ენაზე).
• ფინანსური უზრუნველყოფის დამადასტურებელი დოკუმენტი (ცნობა საკრედიტო ბარათისა და საბანკო ანგარიშის შესახებ, მინიმუმ – 3000 USD).
• სავიზო მოსაკრებელი.

• დოკუმენტები უნდა იყოს მოქმედი განაცხადის დროს და წარდგენილი უნდა იყოს მათი გაცემის დღიდან არაუგვიანეს სამი თვის განმავლობაში.
• განცხადების მიღების დროს წარდგენილი ნებისმიერი დოკუმენტი განმცხადებელს არ უბრუნდება, გარდა მისი პასპორტისა.
• განმცხადებელს შეიძლება მოეთხოვოს დამატებითი დოკუმენტების წარდგენა.
• იყავით გულწრფელი და ზუსტი თქვენს განაცხადში და მოერიდეთ ცრუ ინფორმაციის მიწოდებას.
• ვიზის მოქმედების ვადა სამი თვეა. მოქმედების ვადის გაგრძელება შეუძლებელია.

კონკრეტული განმცხადებლის მიერ ვიზის მიღების ალბათობის პროგნოზირება რთულია. თუმცა, აშკარაა, რომ ეს დამოკიდებულია თქვენს სოციალურ და ეკონომიკურ კავშირებზე თქვენს ქვეყანასთან. ასევე მნიშვნელოვანია მიზნობრიობის მკაფიო დადასტურებაც.

სხვა პირს არ შეუძლია ჩაერიოს კონსულის გადაწყვეტილებაში ვიზის გაცემის შესახებ. ეს გადაწყვეტილება საბოლოოა. თუმცა, ჩვენი კვალიფიციური პროფესიონალები ყველაფერს გააკეთებენ იმისათვის, რომ სათანადოდ და თქვენს სასარგებლოდ მოამზადონ დოკუმენტები საკონსულოსთვის, რათა კონსულმა სრულად გაიგოს თქვენი დღევანდელი გარემოება და შესაძლებლობები, რაც გაზრდის ვიზის გაცემის ალბათობას.

ქ. თბილისი, ილია ჭავჭავაძის გამზირი 64ბ, 0162; ოფისი მდებარეობს ბიზნესცენტრის შენობაში, Hilton Garden Inn Tbilisi Chavchavadze-ის გვერდით, შენობის მე-15 სართულზე