სად შეუძლიათ მოგზაურობა საქართველოს და მეზობელი ქვეყნების პასპორტის მფლობელებს

აზერბაიჯანის პასპორტი მის მფლობელებს გარკვეულ თავისუფლებას სთავაზობს, მაგრამ ასევე ახასიათებს მნიშვნელოვანი სავიზო შეზღუდვები. მიუხედავად იმისა, რომ აზერბაიჯანის მოქალაქეები გარკვეულ წილად თავისუფლად შედიან რამდენიმე მეზობელ და აზიურ სახელმწიფოებში, მსოფლიოს უმეტეს ქვეყნებში მოგზაურობისთვის, მათთვის ვიზის მოპოვება გამოწვევად რჩება.

პასპორტის მსგავსი “ორმაგი რეალობა” განპირობებულია აზერბაიჯანის გეოპოლიტიკური პოზიციიდან. ერთი მხრივ აზერბაიჯანის მოქალაქეები თავისუფლად გადაადგილდებიან თურქეთში, რუსეთსა და ყოფილი საბჭოდა კავშირის ქვეყნებში, მეორე მხრივ კი დასავლური ქვეყნების უმეტესობისთვის მათი შესვლა ვიზის აღებასთანაა ასოცირებული.

უფრო ზუსტად, აზერბაიჯანის პასპორტის მფლობელებს უვიზოდ მოგზაურობა 34 ქვეყანაში შეუძლიათ, ვიზა ჩასვლისას 49 ქვეყანაში შეუძლიათ, eTA 3 ქვეყანაში, ხოლო 112 ქვეყანაში სამოგზაუროდ მათ ვიზის აღება სჭირდებათ.

თურქეთის სავიზო რეჟიმი ასახავს მის გეოპოლიტიკურ მდებარეობას და საერთაშორისო ურთიერთობებს. მიუხედავად იმისა, რომ თურქეთის მოქალაქეებს საკმაოდ ფართო შესაძლებლობები აქვთ მოგზაურობისთვის, არსებობს ქვეყნები, სადაც ვიზის მიღება კვლავ აუცილებელია.

თურქეთის პასპორტი მის მფლობელებს საკმაოდ ფართო შესაძლებლობებს სთავაზობს მოგზაურობის თვალსაზრისით. თურქეთის მოქალაქეებს შეუძლიათ უვიზოდ მოგზაურობა 69 ქვეყანაში, რაც საკმაოდ მაღალი მაჩვენებელია. გარდა ამისა, 51 ქვეყანაში ვიზის მიღება შესაძლებელია ჩასვლისთანავე, რაც კიდევ უფრო ამარტივებს მოგზაურობას. ასევე, 6 ქვეყანაში შესაძლებელია eTA-ს (ელექტრონული სამოგზაურო ავტორიზაცია) მიღება. თუმცა, არსებობს 72 ქვეყანა, სადაც თურქეთის მოქალაქეებს ვიზის წინასწარ აღება სჭირდებათ.

რუსეთის სავიზო რეჟიმზე გავლენას ახდენს რამდენიმე ფაქტორი, მათ შორის ქვეყნის საერთაშორისო ურთიერთობები, გეოპოლიტიკური მდებარეობა და უსაფრთხოების საკითხები. რუსეთის ურთიერთობა დასავლეთის ქვეყნებთან და საერთაშორისო სანქციები ზღუდავს რუსეთის მოქალაქეების მოგზაურობის შესაძლებლობებს. ამასთანავე, რუსეთის გავლენა ყოფილ საბჭოთა კავშირის ქვეყნებზე და აზიის ზოგიერთ ქვეყანაზე ხელს უწყობს უვიზო რეჟიმის არსებობას ამ მიმართულებით.

რუსეთის პასპორტი მის მფლობელებს მოგზაურობის გარკვეულ თავისუფლებას სთავაზობს, თუმცა ასევე ახასიათებს სავიზო შეზღუდვები. რუსეთის მოქალაქეებს შეუძლიათ უვიზოდ მოგზაურობა 77 ქვეყანაში, რაც ასახავს ქვეყნის გეოპოლიტიკურ გავლენას. 43 ქვეყანაში ვიზის მიღება შესაძლებელია ჩასვლისთანავე, ხოლო 7 ქვეყანაში საჭიროა eTA (ელექტრონული სამოგზაურო ავტორიზაცია). თუმცა, არსებობს 72 ქვეყანა, სადაც რუსეთის მოქალაქეებს ვიზის წინასწარ აღება სჭირდებათ.

სომხეთის სავიზო რეჟიმი ბევრ ფაქტორზეა დამოკიდებული, მათ შორის ქვეყნის გეოპოლიტიკურ გარემოზე, რეგიონულ დაძაბულობაზე და საერთაშორისო ურთიერთობებზე. აზერბაიჯანთან და თურქეთთან არსებული დაძაბული კავშირები, ისევე როგორც რუსეთის გავლენა სამხრეთ კავკასიაში, მნიშვნელოვნად ზღუდავს სომხეთის მოქალაქეთა გადაადგილების შესაძლებლობებს. ამას ემატება ქვეყნის ეკონომიკური გამოწვევები და პოლიტიკური მდგომარეობა, რაც ასევე ახდენს გავლენას პასპორტის სიძლიერეზე.

დღეს სომხეთის პასპორტით უვიზოდ შესაძლებელია მოგზაურობა მხოლოდ 34 ქვეყანაში. 46 სახელმწიფოში ვიზა გაიცემა ჩასვლისას, ხოლო 3 შემთხვევაში საჭიროა ელექტრონული ავტორიზაცია (eTA). იმავდროულად, 115 ქვეყანამ სომხეთის მოქალაქეებისთვის წინასწარ ვიზის აღება სავალდებულოდ განსაზღვრა. ეს მაჩვენებლები სომხეთის პასპორტს მსოფლიოში შედარებით სუსტი პოზიციაზე აყენებს.